"Андижон" Кристиан Новак билан шартнома имзолади

Селекция ишларини фаол олиб бораётган “Андижон” ўз сафини полшалик легионер Кристиан Новак билан тўлдирди. Бу ҳақида клуб матбуот хизмати маълум қилди.

Маълумот учун, Новак 1994 йилнинг 1 апрель куни Польшада таваллуд топган. У марказий ҳимоячи позициясида тўп суради.

Новак фаолияти давомида “Лодьз” (Польша), “Турек” (Польша), “Видзев Лодьз” (Польша), “Подбескидзе” (Польша), “Мидлотиан” (Шотландия), “Панионис” (Греция), “Славен” (Хорватия), “Клуж” (Руминия), “Богемиан” (Ирландия) ва “Женис” (Қозоғистон) клубларида тўп сурган.

Кристиан Новак бунга қадар “Женис” таркибида бир ярим йил фаолият олиб борган ҳолда у ерда 40 та ўйинда майдонга тушган.

Полшалик легионер билан 1,5 йилга мўлжалланган шартнома тузилди.