"Андижон" 12 нафар футболчиси билан хайрлашди
- 1-январ, 20:01
- Shuhratbek Jo’rayev
- 0
- Футбол
Қишки селекция жараёни давом этаётган бир пайтда таркибда ўзгаришлар юз бериши муқаррар.
"Андижон" матбуот хизмати эса жамоани тарк этган футболчиларни эълон қилди.
"Бир қатор янги ўйинчиларнинг трансферларини эълон қилиб боряпмиз. Шу билан бир қаторда “Андижон”ни тарк этган футболчилар ҳам бор.
Жумладан шартномаси якунига етгани сабабли Фарҳод Соҳибжонов, Ислом Маматказин, Эржан Токотаев, Илҳом Абдуғаниев, Суннатиллоҳ Ҳамиджонов, Шахзод Азмиддинов, Отабек Жўрақўзиев, Исмоил Акинаде, Муҳаммадали Усмонов, Олег Зотеев, Муҳаммадюсуф Мирқодиров ва Саидумархон Саидунуруллаев жамоамиз билан хайрлашдилар.
Юқорида номлари келтирилган барча футболчиларга жамоамиздаги фаолияти учун миннатдорчилик билдирамиз ҳамда уларнинг кейинги фаолиятига омад тилаймиз", - дейилади, расмий хабарда.