Анчелотти Неймар борасида қарор қабул қилди
- 25-феврал, 20:04
- Улуғбек Хошимов
- 0
- Футбол
Бразилия терма жамоаси устози Карло Анчелотти Неймарни Март ойидаги йиғинга чақирмайди.
"Сантос" етакчиси Неймар Бразилия терма жамоасининг Март ойидаги йиғинига чақирилмайди. Терма жамоа бош мураббийи Карло Анчелоттининг ушбу қарори Неймарнинг ёзда бўлиб ўтадиган Жаҳон чемпионатига бориш имкониятини кескин пасайтиради. Кейинга сафар терма жамоа айнан мундиал олдидан йиғилади. Аввалроқ, 34 ёшли футболчи матбуотга Жаҳон чемпионатида иштирок этишни истаётгани ҳақида гапирган эди. Бу Неймар учун фаолиятидаги сўнгги мундиал ҳисобланади. Март ойида "пента кампеон"лар Франция ва Хорватияга қарши ўртоқлик ўйинларида майдонга тушади.
Маълумот учун, Неймар жорий мавсумда бор-йўғи 2та учрашувда майдонга тушган ва ўз ҳисобига битта ассистни ёздириб қўйган.