Анчелотти: "Бундай ғалабалар - мавсумни яхши якунлашга ёрдам беради"

"Реал Мадрид" бош мураббийи Карло Анчелотти Ла Лиганинг навбатдаги турида "Мальорка" устидан қозонилган 2:1 ҳисобидаги ғалабани шарҳлади.

– Жамоа жуда яхши ўйнади, қаттиқ курашди, юқори интенсивликда ҳаракат қилди ва бу ғалаба тўлиқ қўлга киритилди.

Биз хурсандмиз, чунки мавсумни яхши якунлашни истаймиз. Ўйин яхши бошланмади, аммо кейин жамоа ҳар жиҳатдан аъло даражада ҳаракат қилди.

Бизда 12 нафар жароҳат олган футболчи бор – бундай ҳолат камдан-кам учрайди. Бўшлиқларни тўғри кайфият ва футболчиларнинг шахсий муносабати орқали ёпишга муваффақ бўлдик. Ҳеч қачон 40 марта дарвоза томон зарба берилганини эслай олмайман, бугун биз шундай натижа қайд этдик, – дея ўз фикрлари билан ўртоқлашди италиялик мутахассис. 
 
Маълумот ўрнида. "қироллик клуби" навбатдаги учрашувини 22 май куни "Севилья"га қарши ўтказади.