Ана холос: Месси энди “Интер Майами”га ёрдам беролмайди
- 12-феврал, 12:34
- Zohir Toshxo’jayev
- 0
- Футбол
МЛС мунтазам чемпионати бошланишига атиги 10 кун қолган паллада “Интер Майами” етакчи ўйинчиси Лионель Мессининг хизматларидан фойдалана олмайдиган бўлди.
Клубнинг хабар беришича, аргентиналик футболчи Эквадорнинг “Барселона”сига қарши ўртоқлик ўйинида (2:2) сон орқа мушаги пайларини чўзиб олган.
Месси ушбу баҳсдан кейин жамоа машғулотларида қатнашмади, чунки мушакдаги таранглик ҳамон сақланиб турибди. Клуб шифокорлари футболчининг ҳолатини ҳар куни кузатиш зарур деб ҳисоблаб, эҳтиёткорлик билан иш тутмоқда.
“Интер Майами” янги мавсумни 21 февраль куни “Лос-Анжелес”га қарши сафар ўйини билан бошланади. Бу жамоа сафида Сон Хён Мин ва Дени Буанга сингари таниқли футболчилар тўп суради.
Флоридаликлар бош мураббий Хавьер Маскерано 38 ёшли Мессининг тикланишида шошма-шошарлик қилмаслик муҳимлигини таъкидламоқда, чунки унинг бутун мавсум давомидаги иштироки битта ўйиндан кўра муҳимроқ. Айниқса, олдинда 2026 йилги ҳаҳон чемпионати ҳам бор.
Мессининг йўқлигида ҳужумда янги футболчи Херман Бертераме асосий ролни бажариши кутилмоқда. Ўтган мавсум Месси “гол + пас” тизими бўйича 48 очко тўплаб, лига тарихидаги иккинчи энг яхши натижани қайд этган эди.
Бу мавсумда “Интер Майами” учта мусобақада бош соврин учун курашади. Бундан ташқари, апрель ойида янги “Майами Фридом Парк” стадиони очилиши режалаштирилган. Жамоа билан шартномасини 2028 йилнинг охиригача узайтирган Месси ушбу аренанинг асосий юлдузи бўлиши кутилмоқда.