Ана холос: Фьюри – Жошуа жангининг аҳамияти яна-да ошиб кетди!

Британиялик Тайсон Фьюри (36-2-1, 25 КО) WBC нинг оғир вазн тоифаси рейтингида биринчи ўринни эгаллаб турибди. Энтони Жошуа (30-4, 27 КО) эса бешинчи поғонада. Бироқ энди улар ўртасидаги жанг аҳамияти янада ошиши мумкин. 

Боиси Жаҳон бокс кенгаши президенти Маурисио Сулейман ушбу жанг ғолиби WBC камари учун мажбурий даъвогар мақомини қўлга киритишини маълум қилди. Яъни Жошуа ёик Фьюри амалдаги чемпион Агит Кабайел(27-0, 19 КО)га қарши рингга кўтарилади.

"Фьюри бизнинг рейтингимизда биринчи рақамли боксчи, шу боис бу тўқнашувни элиминатор жанги сифатида маъқуллаймиз. Тайсон билан муносабатларимиз доим илиқ бўлган. Жошуа ҳали WBC чемпиони бўлмаган, аммо биз уни ўз вақтида рейтингда биринчи ўринга қўйганмиз. У илк бор жаҳон чемпиони бўлганида эса WBC рўйхатида иккинчи поғонада эди. Энди айнан шу баҳс Энтонига бизнинг камар учун ҳам курашиш имкониятини беради", — деди Сулейман.

Эслатиб ўтамиз, Жошуа ва Фьюри қарама-қаршилиги 20 ноябрь куни Нью-Йорк шаҳрида ўтказилади.