Ана холос: 526 кунлик танаффусдан сўнг майдонга тушган футболчининг қадами қутлуғ келди
- 20-октябр, 07:32
- Zohir Toshxo’jayev
- 0
- Футбол
«Тоттенхэм» жамоасининг ҳужумкор яримҳимоячиси Деян Кулушевски деярли бир ярим йиллик танаффусдан сўнг яна майдонга қайтди.
«Шпорлар» бош мураббийи Роберто де Дзерби 26 ёшли швед футболчисини Англия премьер-лигасидаги бугунги «Ковентри»га қарши уй учрашувининг 87-дақиқасида ўйинга қўшди.
Кулушевски учун бу 526 кунлик танаффусдан кейинги илк расмий ўйин бўлди – у охирги марта 2025 йил 11 май куни майдонга тушган эди. Футболчи жиддий тизза жароҳати сабаб жарроҳлик амалиётини бошдан кечириб, узоқ вақт даволанди.
Кулушевски майдонга тушган пайтда ҳисоб «Тоттенҳэм» фойдасига 2:1 эди. Учрашувнинг 6-қўшимча дақиқасида лондонликлар яна бир бор рақиб дарвозасини ишғол этишди ва ғалабани мустаҳкамлашди – учинчи гол муаллифи Бен Дэвис бўлди.
Изоҳлар (0)
Ҳозирча изоҳлар йўқ