Амалдаги жаҳон чемпиони ва боксчи-блогер ўртасида жанг ўтказилсин!

2006 йилги Pride FC Гран-приcи ғолиби Мирко Филипович "Крокоп" оғир вазнда IBF чемпиони Филипп Хргович ва таниқли боксчи-блогер Жейк Пол ўртасидаги жангни ташкил этишни қўллаб-қувватламоқда.

"Нега энди мазкур баҳсни ташкил қилмаслик керак?! Бу Филиппга ҳам молиявий жиҳатдан катта фойда келтиради. Ҳамма пул топиш, ўзи ва оиласини таъминлаш учун шундай қилади. Мен ҳам худди шу иш билан шуғулланганман. Одамлар наздида гўё Янги йил ёки Рождество арафасида Японияга учишни ёқтирардим. Нега? Умрида кўрмаган одами билан қон тўкилгунча олишиш учунми? Йўқ, фақат менга жуда яхши ҳақ тўлашарди ва бу бошқалар каби бўлганидек ягона сабаб эди. Ким бошқача гапирса, алдаётган бўлади", - дея Филиповичнинг сўзларини келтирди "Net.hr" портали.

Маълумот учун, Жейк Пол Хрговичнинг Мозес Итаума устидан қозонган ғалабасидан сўнг у билан жанг қилиш истагини билдирганди.