Альвареснинг агентлари "Барселона"га мурожаат қилди

"Атлетико Мадрид" ҳужумчиси Хулиан Альвареснинг вакиллари "Барселона" раҳбариятига муҳим илтимос билан мурожаат қилди.

"The Touchline" нашри маълумотига кўра, агентлар каталонияликлардан яқин бир ой ичида футболчини сотиб олиш бўйича ҳаракатларни тўхтатиб туришни сўраган.

Манба таъкидлашича, Альварес охир-оқибат "Атлетико" уни "Барселона"га қўйиб юборишига ишонмоқда. Бироқ аргентиналик форвард ҳозирча бутун эътиборини Жаҳон чемпионатига қаратган ва трансфер мавзуси билан чалғишни истамаяпти.

26 ёшли ҳужумчи ўтган мавсум барча мусобақаларда 49 та учрашувда иштирок этиб, 20 та гол урди ва 9 та голли узатма муаллифи бўлди.