Альваресга хатосини тўғрилашга имкон беришди

Мадриднинг “Атлетико” клуби бош мураббийи Диего Симеоне жамоа ҳужумчиси Хулиан Альварес ўтган ёзда клубни тарк этиш истаги ҳақида омма олдида баёнот бергани ортидан мухлислар билан келиб чиққан зиддият барҳам топиши мумин, деб ҳисоблайди.

- Менинг назаримда, ҳаёт имкониятларга тўла. Хулианда ҳозир ҳаммасини тузатиш имконияти бор. Биз кўпинча ҳукм қилишга вақт сарфлаймиз, аслида эса камроқ ҳукм қилиб, кўпроқ ўрганишимиз керак.

Умид қиламанки, бу унга сабоқ бўлди. Ва кеча Футре учун тайёрланган ажойиб видеода унга айтганимдек, у бахтли бўлсин. У гол урганда шундай бўлади, - дея Симеоненинг сўзларини Marca нашри келтирди.

Эслатиб ўтамиз, аргентиналик футболчи Мадриддан кетиб, ашаддий рақиб “Барселона”га кўчиб ўтмоқчи эканини очиқ айтди. Бироқ клуб уни Каталонияга қўйиб юбормади. Мадридлик мухлислар Альваресни кўрганда ҳуштакбозлик қиляпти.