Аллегри ва Кевин де Брёйне ўртасида низо келиб чиқди

«Наполи»нинг «Вильярреал»га қарши Чемпионлар лигаси баҳсида жамоа бош мураббийи Массимилиано Аллегри бир неча бор Кевин де Брёйнега майдондаги ҳаракатларини ўзгартириш ҳақида ишора қилди.

Аллегри бельгиялик яримҳимоячидан бироз орқага чекиниб, ҳужумларни бошлашда фаолроқ иштирок этишини сўраган. Мураббий режасига кўра, де Брёйне чуқурроқ ўйнаши орқали Скотт Мактоминай учун рақиб дарвозаси олдида бўш ҳудуд яратиб бериши керак эди.

Бироқ La Gazzetta dello Sport нашри ёзишича, де Брёйне мураббий кўрсатмаларига амал қилмаган ва ишоралар орқали ўзига маъқул позиция – юқорироқ чизиқда ҳаракатланишни афзал кўришини билдирган. Учрашувдан сўнг Аллегри вазиятга қисқача изоҳ бериб, қуйидагича деди: «Биз бир-биримизни тушунмадик».

Манбага кўра, бош мураббий норозилиги фақат де Брёйне ўйини билан чекланмаган, у жамоанинг яна бир қатор футболчилари ҳаракатидан ҳам мамнун қолмаган.

«Наполи» 17 октябрь куни Италия чемпионати доирасида «Венеция»га қарши майдонга тушади. Ортидан эса, уч кун ўтиб, Чемпионлар лигасида «Будё-Глимт» жамоасини қабул қилади.