Аллегри “Наполи”га эски танишларини чақира бошлади

“Наполи” раҳбарияти келаси мавсум олдидан ҳимоячи Федерико Гаттини жамоа  таркибига қўшиб олиш имкониятини кўриб чиқмоқда. Бу ҳақда Sport Mediaset нашри хабар тарқатди.

Манбага кўра, трансфер ташаббускори – неаполликларнинг янги бош мураббийи Массимилиано Аллегри экан. Италиялик мутахассис аввал “Ювентус”да ишлаган вақтида Гатти билан ҳамкорлик қилган.

Турин клуби рақобатчисига футболчисини сотишни истамаса-да, 25 миллион евролик таклиф тушса, ҳимоячини қўйиб юборишга тайёр.

28 ёшли Гатти 2022 йил январь ойида “Ювентус”га қўшилган. Ўтган мавсум у 28 учрашувда майдонга тушиб, 4 та гол урди. Унинг шартномаси 2030 йилнинг ёзигача амал қилади.