Аллегри 5:1 ҳисобидаги мағлубиятга қандай изоҳ берди?

Италия А Серияси 18-туридан ўрин олган "Наполи" - "Ювентус" баҳсида майдон эгалари 5:1 ҳисобида ғалаба қозонди. Учрашувдан кейин туринликлар бош мураббийи Массимилиано Аллегри матбуот анжуманида қуйидаги фикрларни билдириб ўтди.

"Рақиб яхши ўйин ўтказди, бизга куч ва энергия етишмади. Беллашувнинг биз учун энг қулай дақиқасида улар ҳисобни 2:0 кўринишига келтирди. Бу каби ҳолат бир йилда бир марта содир бўлади. Тикланишимиз лозим, олдимизда ўйинлар кўп.

Исталган дақиқада рақиб дарвозамизни ишғол этиши мумкиндек туюлди. Бу ҳақли мағлубият, оддий вазиятларда гол ўтказиб юбордик. Бу каби ўйинларда хатога йўл қўйсангиз, уни тузатиб мушкул.

Таслим бўлмаслигимиз керак, чунки бунгача кетма-кет 8 баҳсда ғалаба қозонгандик. Бу серияга қайтиб олишимиз даркор. "Наполи" бежизга А Серия етакчиси эмаслигини исботлади",-деди италиялик мутахассис.