Чемпионлар лигаси 2-туридан ўрин олган "Галатасарай" - "Ливерпуль" баҳсида Алиссон Бекер жароҳат олиб, майдонни тарк этди. Унинг ўрнига ўйинни Георгий Мамардашвили давом эттирди.
Бразилиялик дарвозабон 6 ҳафтага сафдан чиқди, дея хабар бермоқда инсайдер Давид Орнштейн. Жамоа бош мураббий Арне Слот эса унинг ҳолати ҳақида шундай гапирди: "Алиссон бироз вақт майдонга туша олмайди. У ФИФА кунларидан кейин тузалса, ҳайрон қоламан".
Бекер "қизиллар"нинг асосий посбони ҳисобланади. У ушбу мавсум 9 та ўйинда майдонга тушиб, иккита пенальти қайтаришга ҳам муваффақ бўлди. Алиссон "Челси", "Ливерпуль", "Реал Мадрид" ва "Манчестер Сити" каби клубларга қарши бўладиган учрашувларни ўтказиб юбориши кутилмоқда.
Изоҳлар (0)
Ҳозирча изоҳлар йўқ