Алиқуловнинг ўрнини Ғайбуллаев эгаллайди

Ўзбекистон миллий жамоаси ҳимоячиси Ҳусниддин Алиқулов “Ризеспор” клуби сафида Туркия чемпионати доирасидаги учрашувда юзидан жароҳат олиб майдонни тарк этган эди.

Клуб томонидан ўтказилган тиббий текширувлар натижасида Алиқуловнинг бурун ва ёноқ қисмида суяк синиш ҳолати аниқланиб, футболчига жарроҳлик амалиёти қўлланди. Ушбу вазиятдан келиб чиққан ҳолда, тиббий штаб тавсияси билан Ҳусниддин Алиқулов терма жамоамиз йиғинида қатнаша олмайдиган бўлди. 

Тимур Кападзе бошчилигидаги мураббийлар томонидан миллий жамоа сафига “Насаф” клуби ҳимоячиси Ғолиб Ғайбуллаев жалб этилди.