Алижонов машғулотларда кичик жароҳат олган. Унинг ҳолати қандай?

Ўзбекистон терма жамоаси ҳимоячиси Ҳожиакбар Алижонов машғулотлар пайтида оёғининг болдир мушак қисмида ноқулайлик ҳис қилган.

Тиббий диагностика ва клиник текширув хулосаларига кўра, ҳимоячининг тикланиши учун тахминан бир ҳафта вақт талаб этилади.

Айни вақтда Алижонов тиббий штаб назорати остида индивидуал тикланиш машғулотларини олиб бормоқда.

Бу ҳақда ЎФА матбуот хизмати хабар берди.