Александр Волкановски хайрлашув жанги учун рақибни танлади

Австралиялик ММА устаси Александр Волкановски россиялик Мовсар Евлоевга қарши баҳсда UFC камарини муваффақиятли ҳимоя қилгач, фаолиятидаги сўнгги жангини АҚШ вакили билан ўтказмоқчи.

"Тасаввур қилинг, биз шундай хайрлашув жангини уюштирдик: Гэтжи Волкановскига қарши! Жастин ҳозир октагонга қайтишим керакми-йўқми, деб ўйлаяпти. Эҳтимол, яна бир жанг ўтказади. Шундай экан, нега буни супер тўқнашувга айлантирмаймиз?!

Биз енгил вазн тоифасидаги чемпионлик учун курашамиз. Кейин эса иккимиз ҳам ажойиб жангдан сўнг мухлислар билан хайрлашамиз. Мана сизга ажойиб ғоя. Келинг, уни ҳаётга татбиқ этайлик", - деди австралиялик  "Who The Fook Podcast" подкастида.