Александр Усикнинг жамоаси Жозеф Паркерга қарши жангни кечиктирмоқчи

Оғир вазнда мутлақ жаҳон чемпиони, украиналик Александр Усик(24-0, 15 КО)нинг жамоаси янги зеландиялик Жозеф Паркер (36-3, 24 КО) билан жангни бошқа муддатга кўчиришни сўради.

“Александр ва бутун жамоамиз барча потенциал рақибларни ҳам, амалдаги қоидаларни ҳам ҳурмат қилишини исботлади. Охирги бир ярим йил ичида Усик оғир вазн тоифасида икки марта мутлақ чемпионликни қўлга киритиб, тарихий натижа қайд этди. Бу жуда катта жисмоний ва руҳий босим юклаши аниқ. Ана энди чемпион ўз танасини тиклаб олиш учун озгина танаффус қилиши зарур. Шу боис Паркерга қарши баҳсни бироз муддатга чўзишни сўраймиз", - дея жамоа директори Сергей Лапиннинг сўзларини келтирди "Ready to Fight" промоутерлик компанияси матбуот хизмати.

Маълумот учун, Усик охирги жангида Даниэль Дюбуани 5-раундда нокаутга учратган эди.