Александр Усик сўнгги жангини кимга қарши ўтказади?

Украиналик боксчи Александр Усик жамоаси директори Сергей Лапин спортчининг хайрлашув жангидаги рақиблар рўйхатини очиқлади.

"Ҳозир Дана Уайт ва унинг жамоаси билан мулоқотдамиз. Zuffa Boxing лойиҳаси вакиллари билан фаол музокаралар олиб борилмоқда. Албатта, биз Усикнинг фаолияти Украинада якунлашини истардик. Катта стадион тўлдириб жанг ўтказиш ниятимиз бор эди. Лекин ҳозирча бунинг иложи йўқ. Балки вазият ўзгариб қолар.

Александрга Деонтей Уайлдердан ташқари яна қандай вариантлар бор? Рико Верхувен билан реванш бўлиши мумкин... Чунки Жон Жонс билан баҳс — реал воқеаликка тўғри келмайди", — дея Лапиннинг сўзларини келтирди "Чемпион" нашри.