Александр Усик кимга қарши рингга чиқишни орзу қилади?

Украиналик таниқли чарм қўлқоп устаси Александр Усик (25-0, 16 КО) ўз интервьюларида доим бокс афсонаси Муҳаммад Алини юқори баҳолагани ва унга қойил қолганини ҳеч қачон яширмаган.

Бугун ҳам бокс ишқибозлари ва мутахассислар орасида турли даврда яшаган афсоналарни ўзаро таққослаш, уларнинг жанг услуби ва ўзаро тўқнаш келганда ким устун чиқиши мумкинлиги ҳақида баҳслар тўхтамайди. Шу маънода, яқинда яна бир машҳур боксчи Ларри Холмс ўз фикрини билдириб, Усик Алига қарши тўқнашувда ҳатто бир раунд ҳам юта олмасди, деган эди.

Александр эса ўзи учун идеал деб билган Али билан қарама-қаршиликни шундай тасаввур қилди:

"Агар мен ўз давримдан эмас, бошқа бир авлоддан рақиб танлаш имконига эга бўлганимда, албатта, болалигимдан кумирим бўлган Муҳаммад Али билан жангни танлардим. Бу жуда оғир, кескин кураш бўларди ва ўйлашимча, ўн икки ёки ўн беш раундгача чўзиларди. Натижа келсак, Али ғалаба қозонарди, лекин фақатгина очколар бўйича!" — дея таъкидлади Усик.