Александр Усик камарларидан нега воз кечди?

Таниқли боксчи Александр Усик жамоаси директори Сергей Лапин украиналикнинг WBA, WBC, IBF ва IBO чемпионлик камарларидан воз кечиш қарорини тушунтирди.

"Усикнинг спорт директори сифатида айтишим мумкинки, бу қарор оғир вазн тоифасининг келажагини ўйлаган ҳолда қабул қилинди. Александр бошқа боксчиларга имконият бериш учун унвонларидан воз кечди. Усикнинг ҳозирги мақсади афсонавий карьерасидаги сўнгги жангини АҚШда ўтказиб, меросининг охирги бобини яратмоқчи", - дея Лапиннинг сўзларини келтирди ESPN портали.

Эслатиб ўтамиз, Александр 2026 йил 23 май куни Рико Верховенга қарши рингга кўтарилиб, 11 раундда техник нокаут эвазига ғалаба қозонди.