Александр Усик 2027 йил оғир вазнда чемпион бўладиган боксчи номини айтди

39 ёшли украиналик боксчи Александр Усик британиялик Энтони Жошуа ҳақида гапирди.

"Худо мен ва Жошуага синов бермоқда. У билан бўлган ҳикоямиз Худонинг режаси эди, яъни: 2021 йилда Усик ва Жошуа ўртасидаги жанг, 2022 йилда реванш, кейин эса Энтони ва Александр биргаликда машқ қилишади ва 2027 йилга келиб, британиялик шубҳасиз чемпион бўлади.

Очиғи, мен бунга ишонаман. Жошуа 2027 йил оғир вазн тоифасида чемпионга айланади", – деди Украина вакили "Daily Mail Boxing" You Tube каналига берган интервьюсида.

Эслатиб ўтамиз, Энтони 2021 ва 2022 йиллларда Усикка қарши рингга кўтарилиб, икки баҳсда ҳам очколар эвазига имкониятни бой бериб қўйганди.