Алекс Перрейра мағлубиятга учраган синглиси ҳақида нималар деди?
- 16-октябр, 17:20
- Javohir Malikov
- 0
- MMA
Бразилиялик UFC жангчиси Алекс Перрейра синглиси Алин Перейранинг "Dana White’s Contender Series" даги мағлубиятига муносабат билдирди.
"Мен сен билан фахрланаман, синглим. Сен дунёнинг энг яхши спортчиларидан бири билан учрашдинг ҳамда MMA даги кичик тажрибангга қарамай, улкан тараққиёт, матонат ва жасорат кўрсатдинг. Тўғри, керакли натижага эриша олмадинг, лекин бу қилган меҳнатингни заррача камситмайди.
Сўнгги йилларда сенинг машғулотларингда унчалик фаол иштирок этмадим. Бироқ бу ҳам сенга ўз йўлингни топишга ва янада кўпроқ ўсишингга ёрдам берди, деб ўйлайман. Сен бу билан тўхтаб қолма, тинимсиз ишла!
Битта жанг спортчининг даражасини белгиламайди. Сен катта даражада чиқиш қилишга лойиқ эканингни исботладинг. Ака сифатида сен билан фахрланаман", - деб ёзди бразилиялик ижтимоий тармоқда.
Эслатиб ўтамиз, Алин Перрейра (Karate Combat чемпиони) ва Смилла Сунделл (муай-тай бўйича ONE FC чемпиони) ўртасидаги баҳсда Швеция вакиласи ҳакамларнинг якдил қарори билан ғалаба қозонди.