АГМК Дубайда Россия грандига қарши ўртоқлик ўйинида майдонга тушади

Ўтган мавсум Ўзбекистон Суперлигасида 4-ўринни эгаллаб, ОЧЛда иштирок этиш ҳуқуқини қўлга киритган АГМК айни кунларда БААда ўқув-машғулот йиғини ўтказмоқда.

Миржалол Қосимов шогирдлари 22 январь санасида Россиянинг "Спартак" клубига қарши ўртоқлик учрашувида майдонга тушади. Ўйин Тошкент вақти билан соат 18:15 да старт олиши режалаштирилган.

Олмалиқликлар бунгача "Шабаб Ал-Аҳли"дан мағлуб бўлиб, “Ал-Ҳамриаҳ" жамоасидан устун келганди.