Адесанья "UFC 305" да нега мағлуб бўлди?

Собиқ UFC жангчиси, ҳозирда шарҳловчи америкалик Метт Браун янги зеландиялик Исраэль Адесанья(24-4) ва жанубий африкалик Дрикус дю Плесси(22-2) ўртасида жанг ҳақида гапирди.

 "Мени саволим бор. 35 ёшлик Адесанья пик нуқтасидан тушдимикин? У Стриклэндга қарши жангда ҳам секин ҳаракат қилганди. Тўғри, Исраэль Дрикус билан жангда жуда яхши жанг қилди, лекин унга тезлик етишмагани панд берди.  Шунингдек, ҳимояда ҳам аввалгидек ҳаракат қилмади, қўлларини пастга тушириб, реакцияга таянди. Аммо тезлик етарли бўлмагани учун Дю Плессига мағлуб бўлди", – деб Браун сўзларини келтирди ММА Fighting.