А Сериянинг ҳозирги ва собиқ 11 нафар ўйинчиси футболдан четлатилиши мумкин
- 11-апрел 2025, 16:37
- Jahongir Inomjonov
- 0
- Футбол
А Серияда ўйнаётган ёки ўйнаган 12 нафар футболчи ноқонуний платформаларда пул тикканлиги сабабли жазоланиши мумкин.
"Corriere della Sera" нашрининг хабарига кўра, Николо Фажоли ва Сандро Тоналининг футбол ўйинларига пул тикиш ҳолати бўйича тергов жараёнида "Фиорентина" ва "Ньюкасл" футболчиларининг ёзишмалари текширилган. Текширув натижасида А Сериянинг яна камида 12 нафар ҳозирги ёки собиқ футболчиси ноқонуний платформаларда пул тикканлиги аниқланган.
Тергов маълумотларига кўра, 2021 йил декабридан 2023 йил октябригача Алессандро Флоренси, Николо Заньоло, Маттиа Перин, Уэстон Маккенни, Леандро Паредес, Анхель Ди Мария, Раул Белланова, Самуэле Риччи, Кристиан Буонаюто, Маттео Канчелери ва Хуниор Фирпо каби футболчилар ноқонуний платформаларда ўйин ўйнаган.
Taъкидланишича, юқорида санаб ўтилган футболчилар футбол ўйинларига пул тикмаган. Улар асосан покер ва онлайн слот ўйинларини ўйнашган.
Эслатиб ўтамиз, Фажоли 2023 йил октябрь ойида футбол ўйинларига пул тикканлиги учун 7 ойга дисквалификация қилинган эди.