А Серия. "Ювентус" ўз майдонида очко йўқотди

Италия А Сериясининг 30-турида "Ювентус" ўз уйида "Сассуоло" билан 1:1 ҳисобида дуранг ўйнади.

Ҳисоб 14-дақиқада Кенан Йилдиз томонидан очилди ва мезбонлар олдинга чиқиб олди.

Бироқ иккинчи бўлимда меҳмонлар жавоб қайтарди. 52-дақиқада Андреа Пинамонти ҳисобни тенглаштирди.

Ўйин тақдири 87-дақиқада ҳал бўлиши мумкин эди. "Ювентус" сардори Мануэль Локателли пенальтидан фойдалана олмади — унинг зарбасини дарвозабон Ариянет Мурич қайтарди.

Ушбу дурангдан сўнг "Ювентус" 54 очко билан 5-ўринда қолди. "Сассуоло" эса 39 очко билан 10-поғонада жойлашган.