А Серия. "Ювентус" минимал ҳисобда ғалаба қозонди. "Лацио" эса "Верона"ни янчиб ташлади. "Интер" камбек қурбони бўлиб, мағлуб бўлди

Италия А Сериясининг 2-туридан ўрин олган сўнгги тўқнашувлар ҳам ўз ниҳоясига етди. 
 
Ушбу тур доирасида "Ювентус" "Женоа" билан куч синашиб, Влаховичнинг голи эвазига ғалаба қозонди (1:0). 
 
"Лацио" эса "Верона" дарвозасига нақд 4 та гол уриб, йирик ҳисобда таслим этди. Учрашувнинг 3-дақиқасида Маттео Гендузи ҳисобни очди. 10-дақиқада эса Маттиа Дзакканьи ҳисобни 2 тага етказиб қўйди. Бўлим сўнггида Валентин Кастельянос ҳисобни 3:0 кўринишига келтирди. Бундан ташқари, иккинчи бўлимнинг 82-дақиқасида Булайе Диа 4-голни ҳам киритишга муваффақ бўлди. 
 
Турнинг сўнгги баҳсида "Интер" "Удинезе" билан тўқнаш келди ва 2:1 ҳисобида мағлуб бўлди. Дастлаб, ўйиннинг 17-дақиқасида Дюмфрис ҳисобни очди. Унинг голига эса Кинан Дейвис ва Артур Атта голлар уриб, жамоасининг ғалабасини таъминлади.