А Серия. Римдаги марказий тўқнашувда дуранг қайд этилди

Италия А Сериясининг 22-туридан ўрин олган яна бир марказий беллашув ўз ниҳоясига етди. 
 
Массимилиано Аллегри бошчилигидаги "Милан" сафарда Жан Пьеро Гасперинининг "Рома"си билан куч синашиб, 1:1 ҳисобидаги дурангга имзо чекди. 
 
Дастлаб, учрашувнинг 62-дақиқасида Кони де Винтер гол уриб, "Милан"ни ҳисобда олдинга олиб чиқди. 74-дақиқада эса "Рома" етакчиларидан бири ҳисобланган Лоренцо Пеллегрини 11 метрлик жарима зарбасидан унумли фойдаланди ва орадаги фарқни йўққа чиқарди. 
 
Маълумот ўрнида, миланликлар ушбу беллашувдан сўнг очколар сонини 47 тага етказиб олиб, 2-ўринни мустаҳкамлади. "Рома" эса 43 очко жамғарган ҳолда, Контенинг "Наполи"сини қувиб ўтди ва 3-ўринга кўтарилди.