А Серия. "Наполи" турнир аутсайдерини таслим эта олмади

А Серия 29-тури доирасида "Венеция" - "Наполи" баҳси бўлиб ўтди. Унда жамоалар 0:0 ҳисобидаги дурангга имзо чекди. 

Беллашув давомида ҳар икки жамоа голлар уриш учун имкониятга эга бўлди. Мезбонлар беллашув давомида жами 13 та зарба йўллаган бўлса, неаполликларда бу миқдор 15 тани ташкил қилди. 

Антонио Конте шогирдларининг очколари айни вақтда 61 тани ташкил қилади ва улар турнир жадвалида 2-ўринда бормоқда. "Наполи" билан бир хил очкога эга ва турнир пешқадами бўлиб турган "Интер" ҳали ўз ўйинини ўтказгани йўқ.