А Серия. "Милан" Леаунинг голи эвазига ғалаба қозониб, пешқадамга айланиб олди

Италия А Сериясининг 18-турида Аллегри бошчилигидаги "Милан" сафарда "Кальяри" билан куч синашиб, минимал 1:0 ҳисобида зафар қучди. 
 
Тўқнашувдаги ягона ва муҳим голни португалиялик юлдуз ҳужумчиси Рафаэль Леау 50-дақиқада киритди. 
 
Маълумот ўрнида, "Милан" турнинг илк баҳсида муҳим 3 очкони қўлга киритгани боис, очколар сонини 38 тага етказиб олиб, ҳамшаҳари "Интер"ни қувиб ўтди ва яна вақтинчалик пешқадамга айланиб олди. "Интер" ҳисобида 36 очко, "Наполи"да эса 34 очко мавжуд.