А Серия. 3-турнинг сўнгги икки баҳсида ҳам дуранг қайд этилди

Италия А Сериясининг 3-тури ҳам ўз ниҳоясига етди. Мазкур турнинг сўнгги икки беллашувида дуранг натижалар қайд этилди. 
 
"Верона" - "Кремонезе" жамоалари ўртасидаги беллашувда ҳисоб очилмаган бўлса, "Комо" - "Женоа" ўртасидаги тўқнашувда 1:1 ҳисоби қайд этилди. 
 
Нико Пас 13-дақиқада ҳисобни очишга муваффақ бўлди. 90+2-дақиқада эса Калеб Экубан муҳим голни уриб, ҳисобни тенглаштирди ва жамоасини мағлубиятдан сақлаб қолди.