"Вест Хэм" ўз сафига Уругвай терма жамоаси форвардини қўшиб олишга яқин турибди

Вигонинг "Сельта" клуби форварди Макси Гомес фаолиятини "Вест Хэм"да давом эттиришга жуда яқин турибди. Бу ҳақда Football Espana нашри хабар тарқатмоқда.

Юқоридаги манбаанинг ёзишича лондонликлар 21 ёшли уругвайик футболчи учун унинг шартномасида кўрсатилган 50 миллион евро товон пулини тўлашга тайёр.

Маълумот учун, Гомес “Сельта” сафига бундан бир йил муқаддам "Дефенсор Спортинг" клубидан 4 миллион евро эвазига кўчиб ўтган эди. Якунланган мавсум эса у жами 39та ўйинда майдонга тушиб, рақиблари дарвозасига 18та гол уришга эришган.