Қуйи дивизионга тушиб кетган "Гамбург"нинг мавсумдаги илк учрашувига 57 минг ишқибоз ташриф буюрди (ФОТО)

Ўтган мавсум якунларига кўра ўз тарихида илк бор Бундеслигадан тушиб кетган “Гамбург” қуйи дивизионнинг илк турида “Хольштайн Киль” клубини ўз майдонида қабул қилди ва йирик 0:3 ҳисобида имкониятни бой бериб қўйди.

Эътиборлиси, жамоа гарчи қуйи дивизионда ҳаракат қилаётганига қарамай шу куни Гамбургдаги стадион мухлислар билан тўлиб-тошди. Аниқроғи, ушбу учрашувни томоша қилиш учун “Фолькспаркштадион”га 57 минг ишқибоз ташриф буюрди.