Иккита олимпиадада совриндор бўлган спортчи энди Ўзбекистон шарафини ҳимоя қилади
- 6-август 2018, 19:13
- Bahodir
- 0
- Велоспорт
Лондон ва Рио олимпиадалари совриндори бўлган россиялик велопойгачи Ольга Забелинская халқаро майдонда Ўзбекистон шарафини ҳимоя қиладиган бўлди. Спортчи бундан бир қанча муддат олдин Халқаро ведосипедчилар ташкилотига иегишли ҳужжатларни тақдим этганди.
- Ҳа, мен айни пайтда ўз спорт фуқаролигимни ўзгартириш арафасидаман. Аммо буни ҳозирча овоза қилишни истамаётгандим, - дейди спортчи ТАСС ахборот агентлигига берган интервьюсида.
“РИА новости” нашри тарқатаётган маълумотларга қараганда, 38 ёшли велопойгачи 5 июлдаёқ Ўзбекистон паспортини қўлга киритган.
Маълумот ўрнида қайд этиш лозим, Забелинская 2012 йилги Лондон Олимпиадасида 2 та бронза медални қўлга киритган эди. 2016 йилги Рио олимпиадасида эса яккалик баҳсларида кумуш медаль соҳибасига айланди.
Яна бир маълумот, Россия нашраларини қайд этишларича, Забелинскаянинг Рио олимпиадасида қатнашиши олдидан кичик можаро юзага келган. Хусусан, спортчининг дастлабки допинг тест натижалари ижобий чиққан. Аммо кейинчалик Спорт арбитраж суди ушбу ишни қайта кўриб чиқиб, Забелинскаянинг пойгаларда қатнашишига рухсат берган.