“Барселона” Ракитичга янги шартнома таклиф қилади

Каталониянинг “Барселона” клуби раҳбарияти хорватиялик ярим ҳимоячи Иван Ракитич билан амалдаги шартномани узайтиришни режалаштирмоқда.

Mundo Deportivo нашри тарқатган хабарга кўра, “кўк-анорранглилар” 28 ёшли футболчига 2021 йилгача мўлжалланган узоқ муддатли келишув таклиф қилмоқчи. Томонлар ўртасидаги шартнома эса 2019 йили якунига етар эди.

Эслатиб ўтамиз, “Барселона” аввалроқ Неймар, Серхио Бускетс ва Хавьер Маскерано билан келишувларни узайтирган эди.