12 та жамоа Европа лигасини тарк этди. Улар орасида машҳур клублар бор!
- 31-январ 2025, 08:53
- Zohir Toshxo’jayev
- 0
- Футбол
УЕФАнинг энг нуфузли халқаро турнирларидан бири – Европа лигасининг умумий босқичи якунланди.
36 та иштирокчининг ҳар бири мусобақанинг бу раундида саккизтадан учрашув ўтказди. Ўйинларнинг тенг ярми ўз майдонида, қолганлари сафарда ташкил этилди.
УЕФАнинг янги форматдаги халқаро турнирлари – Чемпионлар лигаси, Европа лигаси ва Конференциялар лигаси умумий босқичида 36 тадан жамоа қатнашди. Кучли саккизликдан ўрин олганлар тўғридан-тўғри нимчорак финалга чиқади. 9-24-ўрин соҳиблари плей-оффнинг ўтиш учрашувларида ўзаро куч синашади. Қолган 12 жамоа мусобақани тарк этади.
Бу йил Европа лигасини “Динамо Киев”, “Ницца”, “Қорабоғ”, “Лудогорец”, “Мальмё", “Славия Прага”, РФШ, “Маккаби Тель-Авив”, “Бешиктош”, “Хоффенхайм”, “Эльфсборг” ва “Брага” эрта тарк этишига тўғри келди.