Вальверде ва Тчуамени жанжалидан кейин мураббий истеъфога чиқарилиши мумкин

"Реал Мадрид"да Орельен Тчуамени ва Федерико Вальверде ўртасида чиққан жанжал клуб раҳбариятининг норозилигига сабаб бўлди.

Маълум қилинишича, мадридликлар мураббийи Альваро Арбелоа можаро вақтида вазиятга аралашмаган ва барчасини четдан кузатган. Бу ҳолат клуб раҳбариятига ёқмаган.

Манбага кўра, “қаймоқранглилар” раҳбарияти Арбелоа вазиятни тинчлантириш учун чора кўриши керак эди, деб ҳисобламоқда. Шунингдек, ОАВ хабарида айтилишича, клуб мутахассисни истеъфога чиқариш ҳақида қарор қабул қилган.

Маълумотларга қараганда, мадридликлар жамоага Жозе Моуриньюни қайтариш вариантини ҳам кўриб чиқмоқда.