Майкл Пейдж: "Доғистонликлар зерикарли жанг кўрсатиб ҳам, UFC да қолмоқда"

Британиялик ММА устаси Майкл Пейдж UFC ростеридан нега чиқарилганига тушунмаяпти.

"Агар гап шунчаки услубда бўлса, баъзи доғистонлик курашчиларни ҳам эслаш мумкин. Улар  зерикарли жанг кўрсатиб ҳам, UFC да қолмоқда", - деди Пейж Ариэль Хельванига берган интервьюсида.

Британия вакилини промоушендан бўшатилганини ижтимоий тармоқлардан билгани янада кўпроқ ғазаблантирди.

"Мен буни бошқалар билан бир вақтда билдим. Агар чиқишларим сизни қониқтирмаса, мен билан гаплашинг. Тўғри, UFC билан муносабатларимиз қайси босқичда эканини аниқ тушунаман. Бироқ барибир музокаралар столига ўтирамиз деб ўйлагандим", – дея қўшимча қилди "Веном".

Эслатиб ўтамиз, Майкл Пейдж UFC даги охирги жангида ҳамюртимиз Нурсултон Рўзибоевни ҳакамларнинг қарорига кўра мағлуб этганди.