Учрашув якунланди. Сизлар билан баҳсни Баҳодир Ҳасанов кузатиб борди. Эътиборингиз учун раҳмат. Бизни кузатишда давом этинг!

"Навбаҳор"нинг қарши ҳужумии... Ҳаммаси жойида. Ҳимоячилар аниқ ўйин намойиш этишди.

Ўйинга 4 дақиқа қўшиб берилди.

Дарко Никач ўрнига Азамат Алланиёзов майдонга туширилди.

"Навбаҳор"да яна бир бурчак зарбасии!!! Зарба ва гоооолл!!! 

Жалолиддин Машарипов ўрнига Жасур Яхшибоев майдонга туширилди.

"Навбаҳор"да бурчак зарбаси тепиш имконияти. Ҳимоячилар аниқ ўйнашди. Иккинчи темпдан ҳам самара чиқмади.

"Пахтакор" ҳимояни кучайтирмоқда. Госалвеш ўрнига Камолиддин Тожиев майдонга туширилди.

Дилшод Жабборов ўрнига Илҳом Бойдадаев майдонга туширилди.

Гоол! Фаррух Сайфиев ҳисобни яна оширди.

Гол! Азизбек Турғунбоев ҳисобни тенглаштирди.

Исмоил Гонсалвеш пенальтидан унумли фойдаланди.

 Безерранинг яқин масофадан дарвозага йўллаган тўпини Эргашев қайтарди

Черан-Безерра комбинациясидан сўнг Тиаго тўпга зарба беришга улгура олмади. Оқибатда "Пахтакор"нинг хавфли ҳужуми барбод бўлди. 

Ўйиннинг охирги дақиқаларига бориб ҳар иккала жамоа вакилларида асабийлик сезилмоқда. 

Тўп жарима майдони ичига оширилди. Ҳимоячилар аниқ ҳаракат қилишди. Иккинчи темпдаги ҳужумда ҳам "лочинлар"га аниқлик етишмади. 

"Навбаҳор" босимни кучайтирмоқда. Жарима зарбаси. Тўп олдида Азиз Турғунбоев.

"Навбаҳор" томонидан уюштирилган ҳужум фол билан якунланди. Энди яна ҳаммасини қайтадан бошлаш лозим. Яна бир ҳужум... Шерзод Каримовнинг зарбаси (паси) ўта ноаниқ.

"Пахтакор"нинг навбатдаги ҳужумиии... Безерранинг зарбасии... Ноаниқ.

Гооол! Жалолиддин Машарипов! Йўқ, гол инобатга олинмади. "Пахтакор" футболчиси ўйиндан ташқари ҳолатда экан.

Гооол! Драган Черан ҳисобни тенглаштирди.

Иккинчи бўлим бошланди.

Жамоалар майдонга тушиб келишмоқда.

Биринчи бўлим якунланди.

Қўшиб берилган вақтдан ҳар иккала жамоа фойдаланиб қолишга ҳаракат қилмоқда.

Бўлимга 2 дақиқа қўшиб берилди.

Безерранинг бош билан берган зарбасини Эргашев бартараф қилди

Гооол!!! Аюбхон Нўъмонов ҳисобни очди.

Навбаҳор вакиллари кетма-кет ҳужумлар ташкиллаштирмоқда.

"Навбаҳор"га ҳужумда ягона таран ҳужумчи етишмаётганлиги сезилиб қолмоқда. Зарбалар сони кўп аммо уларнинг аксар қисми ё дарвозага қадар етиб бормаяпти, ёки ноаниқ бўлмоқда. Шунингдек, баъзи вазиятларда Суюновнинг ҳам фаоллик кўрсатаётганини таъкидлаш жоиз.

Дарко Станоевич "Пахтакор" ҳужумини тўхтатиб қолди. 

"Навбаҳор" ижросидаги дастлабки бурчак зарбаси. Элдор Суюнов аниқ ўйнади.

Шунингдек, ушбу вазиятда Даврон Ҳошимовга ҳам сариқ карточка кўрсатилди.

Угор Кримец кетма-кет иккита футболчига қарши қўполлик ишлатди ва огоҳлантирилди.

"Навбаҳор" вакиллари тўпни эгаллагани ҳамоно олдинга ташланмоқда. 

Оооо!!! Гонсалвеш ҳисобни очиши мумкин эди...

Ўйин асосан, майдоннинг "Навбаҳор"га тегишли тарафида давом этмоқда. 

"Шерлар"нинг эрта прессингни амалга ошириши "лочинлар"нинг ҳужум қилишларига тўсқинлик қилмоқда.

Тўп назоратидаги устунлик "Пахтакор" томонида. 

Ажойиб зарбааа!!! Жалолиддин Машариповнинг узоқ масофадан йўллаган зарбасини Ботирали Эргашев қийинчилик билан қайтариб қолди. 

"Пахтакор"да бурчак зарбасини тепиш имконияти мавжуд. Тўп олдида Жалолиддин Машарипов. У томонидан оширилган зарбани Ботирали Эргашев эгаллаб олди.

"Пахтакор" футболчилари ҳимояда ишончли ўйин намойиш этишмоқда.

Ўйиндаги дастлабки хавфқли вазият "Пахтакор" томонидан амалга оширилди. "Шерлар" ҳужумчиси Драган Черан дарвозабон билан бирга-бир ҳолатда Безеррага тўпни ноаниқ оширди ва вазият қўлдан чиқарилди.

Учрашув бошланди.

Жамоалар майдонга чиқиб келишмоқда.

"Навбаҳор" эса бу борада бироз беқарорлиги билангина ёдда қолмоқда. Хусусан, "лочинлар" меҳмонда ўтказилган "Қизилқум" ва "Нефтчи" жамоаларига 2:0 ва 2:1 ҳисобларида имкониятни бой бериб қўйган бўлса, ўз майдонида "Бухоро"дан 2:0 ҳисобида устун келган.

Яна шуни қайд этиш лозимки, Pepsi Суперлига доирасида ўтказилган сўнгги 3 турдан буён "Пахтакор" мағлубият нималигини билмай келмоқда: 2 та дуранг ва 1 та ғалаба. Хусусан, "шерлар" ўз майдонларида "Насаф"ни 4:0 ҳисобида мағлуб этиб, "Локомотив" билан 1:1 ҳисобида дуранг натижа қайд этган бўлишса, сафарда "Қўқон-1912" билан ўйин ҳам худди шу ҳисобдаги дуранг билан якунланган. 

Агар ушбу анъана давом этадиган бўлса, наманганликлар ўзаро ҳисоб-китобда олдинга чиқиб олишлари мумкин. Аммо Шота Арвеладзе шогирдлари ушбу ҳолатга шунчаки қараб турмасликлари аниқ.

Жорий мавсумда ҳар иккала жамоа ўзаро икки марта тўқнаш келган бўлса, жамоалар ўз майдонларида ғалаба қозонишнинг уддасидан чиқишган. Хусусан, дастлаб, "Пахтакор" майдонида ўтган учрашувда Тиаго Безерра 77-дақиқада "лочинлар" дарвозасини ишғол қилган бўлса, Наманганда ўтган жавоб баҳсининг 52-даиқасида Игорь Голбан "шерлар"ни жазолаган эди.

Қайд этиш лозимки, айни пайтда стадион ишқибозлар билан лиқ тўлган. Наманганликлар ўз севимли жамоаларини фаол қўллаб-қувватлашга чоғланишган. Чунки "Пахтакор" "Навбаҳор" учун энг принципиал рақиблардан бири ҳисобланади. 

Айни пайтда жамоалар чигалёзди машғулотларини амалга оширишмоқда.

Бугунги ўйинда жамоалар қуйидаги таркиб билан майдонга тушишади:

"Навбаҳор": Эргашев, Ғофуров, Голбан, Станоевич, Ҳошимов, Жабборов, Алиев, Турғунбоев, Каримов, Нўъмонов, Никач

Захира: Тўраев, Бойдедаев, Алланиязов, Сулаймонов, Дўсматов, Пайович, Ҳамроев, Абдуллаев, Солиев 

"Пахтакор": Суюнов, Сайфиев, Кримец, Аъзамов (с), Шораҳмедов, Аҳмедов, Раҳматуллаев, Машарипов, Черан, Гонсалвеш, Безерра

Захира: Лобанов, Алижонов, Аҳмадов, Искандеров, Абдураҳимов, Тожиев, Яхшибоев, Козак, Сергеев

Ассалом алайкум қадрли футбол ихлосмандлари! Бугун Ўзбекистон Pepsi Суперлигаси 3-босқич 1-тури доирасида Наманганнинг "Навбаҳор" жамоаси ўз майдонида Тошкентнинг "Пахтакор" клубини қабул қилади. SPORTS.uz ижодий жамоаси ушбу баҳсни сиз азиз мухлислар билан биргаликда воқеа жойидан кузатиб боришга қарор қилган.