Yozda “Real”dan birinchi ketadigan futbolchi nomi ma’lum bo‘ldi

“Real” tarbiyalanuvchisi hisoblangan va bir necha mavsumlardan beri jamoa safida o‘ynab kelayotgan Lukas Vaskes kelasi yoz klubni tark etadigan bo‘lyapti.

Nufuzli manba – fichajes.net saytining ma’lum qilishicha, 33 yoshli o‘ng qanot himoyachisi yozda klub bilan shartnomasi tugaganidan keyin boshqa klublarga o‘tishni rejalashtirgan.

Ma’lumotlarga qaraganda, “Real” xo‘jayinlari tarkibni yoshartirish siyosatini olib bormoqda va Lukas Vaskes o‘rnini iste’dodli yoshlarga bo‘shatish uchun ham tajribali o‘yinchiga yangi bitim berilmaslik ehtimoli katta.

Vaskes 2015 yili “Real”ning asosiy tarkibiga qo‘shilganidan beri 356 ta uchrashuvda 37 ta gol va 66 ta assist qayd etgan. Ispaniya terma jamoasida esa, to‘qqizta o‘yin o‘tkazgan.