Vlado Radmanovich: "Balki ertaga ikkita himoyachi bilan o‘ynarmiz"

Xabaringiz bor, ertaga "JCh-2026" saralashi doirasidagi O‘zbekiston - Eron bahsi  bo‘lib o‘tadi. 

Ushbu bellashuv oldidan matbuot anjumani bo‘lib o‘tdi va unda Srechko Katanetsning yordamchisi Vlado Radmanovich va futbolchi Jaloliddin Masharipov qatnashib, jurnalistlarning savollariga javob berdi.  

"Hammani bu erda ko‘rib turganimdan xursandman. Ertaga juda ham qiyin va hayajonli o‘yin bo‘lib o‘tadi. Biz ularning hamma kuchli va ojiz tomonlarini bilamiz. Ushbu termaga qarshi hamma o‘yinlar qiyin bo‘lgan. Biz ular bilan 3 marta to‘qnash keldik va ular haqida etarlicha ma’lumotga egamiz. Katanets ertaga qatnasha olmaydi va uning yo‘qligini bildirmaslikka harakat qilamiz. 

Erataga biz birinchi raqamli jamoa bo‘lib o‘ynaymizmi, yoki ehtiyotkorlik birinchi planga chiqadimi?

Taktik tayyorgarlik haqida gapiradigan bo‘lsak, bu so‘nggi mashg‘ulotdan so‘ng ma’lum bo‘ladi. Bizda 2-3 ta taktika mavjud. Har xil variantlarimz bor: Masalan ertaga 2 ta markaziy himoyachi bilan harakat qilishimiz ham mumkin. Hujumda ham boshqa variantlarni sinab ko‘rimishiz mumkin. 

Oston O‘runovning holati haqida nima deya olasiz?

Ostonda hammasi joyida. U mashg‘ulotlarda ishlamoqda. 

Terma jamoamiz FIFA kunlariga ajoyib formada kelishdi. Nima deb o‘ylaysiz, qaychi chizig‘imiz mukammalroq?

Bizda 20 dan ko‘p yaxshi futbolchilar mavjud. Har bir chizig‘imizda yaxshigina balans bor. Hoh himoyada, hoh hujumda. Yarim himoyamiz ham anchagina kuchli hisoblanadi. 

Ertangi jamoani siz boshqarasizmi, yoki buni Katanets belgilab berdimi?

Biz Katanets bilan doimiy aloqada bo‘lib turibmiz va buni u hal qiladi. Biz uni aytganini bajaramiz. Katanets bilan video aloqa qildik. Agar nimadir xato ketadigan bo‘lsa, u biz bilan aloqaga chiqib buni o‘zgartiradi.