"Turon" Yaypanda ikkita "vodiy derbisi" doirasida maydonga tushadi

Xabaringiz bor, Baxtiyor Ashurmatov bosh murabbiyligidagi "Turon" jamoasi vakillari 4 yanvar kunidan Yaypan shahrida Superliga yangi mavsumiga tayyorgarlik jarayonining ikkinchi qismiga kirishdi.

25 yanvar sanasiga qadar davom etadigan mazkur o‘quv-yig‘in mashg‘ulotlari davomida 2 ta nazorat uchrashuvlari o‘tkazilishi rejalashtirilgan. Jumladan, Namanganning "Navbahor-farm" va Qo‘qon shahrining "Qo‘qon-1912" klublari bilan o‘rtoqlik maqomidagi o‘yinlar tashkil etiladi.

Mavsumoldi tayyorgarlik jarayonining uchinchi qismi Turkiya davlatining Antalya shahrida tashkil etiladi. Mazkur yig‘in sanalari 27 yanvardan 10 fevralga qadar etib belgilangan.

Manba: "Turon" PFK matbuot xizmati.