Tennischilarimizning Italiyadagi sarguzashtlari davom etmoqda

Italiyaning Neapol shahrida o‘tayotgan yozgi Universiada o‘yinlarining tennis bo‘yicha yakkalik bahslarida ishtirok etgan Sanjar Fayziev tailandlik raqibini mag‘lub etib to‘rtinchi davraga yo‘l oldi.

Mazkur uchrashuvdan so‘ng Sanjar juftlik bellashuvlarida Humoyun Sultonov bilan chorak final yo‘llanmasi uchun Janubiy Afrika vakillari Kryuger va Villiamsga qarshi kortga tushdi. Ikkala setda ham raqiblarini bir xil 6:2 hisobida mag‘lub etgan yigitlarimiz keyingi bosqichga yo‘l oldi.