Superliga hakamlari qanday tayyorgarlik ko‘rishmoqda?

17-21 yanvar kunlari Coca Cola Superligasi bahslarida ishlaydigan va unga nomzod bo‘lgan hakamlar uchun o‘quv-mashg‘ulot yig‘ini bo‘lib o‘tdi. Unda 30 ga yaqin hakam va yordamchi hakamlar ishtirok etishdi. Toshkent shahrida bo‘lib o‘tgan yig‘inda arbitrlardan normativ testlar olinib, o‘yin qoidalari bo‘yicha seminarlar olib borildi.

Shuningdek, VAR-simulyatorida mashg‘ulot tashkillashtirildi va hakamlar maxsus o‘rtoqlik uchrashuvlarida sinovdan o‘tkazildi. E’tiborli jihati, mazkur yig‘inda tajriba almashish maqsadida Tojikistondan tashrif buyurgan hakamlar ham ishtirok etishdi. Ma’lumot o‘rnida, ikkinchi guruh yig‘ini 24 yanvardan boshlanishi rejalashtirilgan.

O‘FA matbuot xizmati.