Sulsher: "Pelas" doim ham bunaqa o‘ynay olmaydi

MYu bosh murabbiyi Ole-Gunnar Sulsher APL 2-turidan o‘rin olgan "Kristal Pelas"ga qarshi bahsdan keyin fikrlarini bildirib o‘tdi:

"O‘zimizga kelib olishimiz lozim. Bugungidan yaxshiroq o‘ynay olishimizni barcha bilib turibdi. Penalti borasida hakamga hech qanday e’tirozim yo‘q. Bugun "Pelas"dan doim ham ko‘rmaydigan hujumkor o‘yin ko‘rdik. Ular doim ham bunday o‘ynay olmaydi. Biroq raqibimiz 3 ochko uchun ko‘proq harakat qildi".

Sulsher shogirdlari APLdagi ilk o‘yinini "Old Trafford"da o‘tkazib, 1:3 hisobida mag‘lub bo‘ldi.