Suaresning dubli "Atletiko"ga g‘alaba uchun uchun etarli bo‘lmadi

Ispaniya chempionati 22-turida "Atletiko" "Selta" bilan bahs olib bordi va qiziqarli o‘tgan o‘yinda jamoalar durangga imzo chekishdi.

Uchrashuv mehmonlarning hujumlari bilan boshlandi va bu hisobda ham o‘z aksini topdi. 13-daqiqada Santi Mina yaqin masofadan raqib darvozabonini dog‘da qoldirdi. "Matrachsilar" hujumchisi Luis Suares birinchi taym so‘nggi daqiqalarda hisobni tenglashtirdi va ikkinchi taymning avvalida jamoasini oldinga olib chiqdi. Biroq 89-daqiqada Fakunda Ferrreyra Yan Oblak darvozasiga yo‘l topdi va jamoasiga bir ochko olib keluvchi golga mualliflik qildi.

O‘yin saytimiz orqali matnli translyatsiya qilindi.