Sport kurashlari. O‘zbekiston terma jamoasi Osiyo chempionatining 9 ta medal bilan yakunladi

Iordaniyaning Amman shahrida sport kurashlari bo‘yicha U23 yosh toifasidagi Osiyo chempionati o‘z yakuniga etdi. Musobaqaning so‘nggi kunida erkin kurash ustalari o‘rtasida bahs kechdi.

O‘zbekiston Milliy Olimpiya qo‘mitasi matbuot xizmatining ma’lum qilishicha, musobaqaning so‘nggi kunida yurtdoshlarimiz 2 tadan kumush va bronza medallariga sazovor bo‘lishdi:

Kumush medal:
-61 kg: Behruzbey Turanmuratov
-125 kg: Namoz Abdurashidov

Bronza medal:
-65 kg: Muhammadqodir Qo‘ldoshev
-74 kg: Zafarbek Otaxonov

Shu tariqa, O‘zbekiston terma jamoasi mazkur musobaqani 2 ta oltin, 4 ta kumush va 3 ta bronza medallari bilan yakunladi.