Sog‘lomlar Olimpiadasida chempion bo‘lgan nogiron sportchi - afsonaviy Jorj Eyser haqida eshitganmisiz?

Jorj Eyser 1871 yil Germaniyada tug‘ilgan. Bolaligidan gimnastika bilan shug‘ullangan. Keyinchalik uning oilasi AQShga ko‘chib ketgach, u mashg‘ulotlarini okean ortida davom ettiradi.

Afsuski oradan ma’lum vaqt o‘tgach u baxtsiz hodisaga uchraydi. Aniqrog‘i, poezd tagida qolib ketadi va chap oyog‘idan ajraydi. Biroq, Jorj shunga qaramay yog‘och protez yordamida o‘zi yashaydigan Sent-Luis shahrida bo‘ladigan Olimpiada o‘yinlariga tayyorgarlikni davom ettiradi.

E’tiborlisi, bir oyog‘i yog‘och protez bo‘lgan Jorj Eyser ushbu Olimpiadada brusda mashq bajarish bo‘yicha oltin medalni qo‘lga kiritadi.