"So‘g‘diyona" mehmonda "Qizilqum" bilan ochkolarni bo‘lib olishdi

O‘zbekiston chempionati 3-turida "Qizilqum" o‘z maydonida "So‘g‘diyona"ni qabul qildi va jamoalar jangovar durangga (1:1) imzo chekdi.

O‘yin keskin hujumlar bilan boshlandi, biroq birinchi taymda darvozalar daxlsizligi saqlab qolindi. 53-daqiqada Iskandar Shoyqulov yaqin masofadan raqib darvozasiga to‘pni joylab qo‘ydi. 72-daqiqada Salim Mustafoev himoyachilar xatosidan so‘ng, raqib darvozabonini aniq zarba bilan dog‘da qoldirdi. Uchrashuvning qolgan qismida darvozalarga boshqa gol kiritilmadi.

O‘yin saytimiz orqali matnli translyatsiya qilindi.